Masak lomak pertamo untuk anak kosayangan.

Ni nak bagitau awal-awal, dalam entry ni den topakso cakap nogori somilan.

Sesapo yang tak paham tu den nak mintak mahap lah yo.

Den memang sesajo nak carik pasal hari ni. Keh keh.

Jadi corito eh bogini.

Eden ni jam memang tongah latih anak bujang den tu makan podeh.

Maklom lah cucu orang nogori somilan memang kono roti makan podeh.

Kang balik kampung pilah, orang hidang somilang salai masak lomak *ui sodap eh*, anak den bulih makan dongan solambo. Hamik kau slamber jadi solambo. Haha!

Haa lantak kau lah paham ko tidak.

Jadi eh, bebaru ni den ado buek masak lomak ikan tonggiri untuk Baby Haikal.

Umak aihh kocik-kocik dah makan ikan tonggiri. 

Biasolahhh anak den tu kan anak rajo. Ikan memahal yo lah.

Yang memurah tak ndak do. Omak eh yo lah yang makan. T_T

 Tapi for the first time ni, (amboi pandai speaking rupo eh!) den tak buek podeh la masak lomak tu. Den tak lotak cabai pon. Kang moncicit pulak anak den tu. 

Tak dapek den nolong tu do.

Jadi eh, den topakso buek tak podeh lah.

Ni hasil eh...

Nampak sodap, tapi raso eh takdo lah sodap mano.. Haha! 

Sebab tak podeh kan. Tawaaaa yo. (Tawaaaa tu tawar ok..haha)

Tapi Alhamdulillah Baby Haikal suko. Bulih tahan banyak jugak dio makan. 

Sikit pon tak ingat kek omak eh.

Tapi takpo.. Den tak kocik hati pon.

Budak-budak biaso lahhh..

Lagipon den ado masak lomak lain..

 Haa ni den punyo.

Den makan sikit pon tak ingat kek Baby Haikal.

Hah samo la duo kali limo. Haha!

 Kalau ekau pon nak torai (try) buek masak lomak tak podeh untuk anak-anak,

 ni ha resepi eh..

Torai jangan tak torai! Kah kah.

Kalau suka boleh LIKE, Kalau tak suka boleh jalan. Heheh